DARALO 16:7 - WUKE SUSI WATTI'U AL᷊AL᷊USASSA

⁷ I ya'u maddalo Mawu apan mannantiro si ya'u; sutempo ṛabbi tingikku naungku mannantiro si ya'u.

DARALO 16:7 Referans Kwoze

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

DARALO 77:6

I ya'u maṛṛingiddu manga allo nanangkal᷊iu, i ya'u mannaungnga wuṛṛu maṛṛingiddu manga tonna nal᷊iudde.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 63:6

I ya'u maddalo Si'o ringannu lulluassa lullala'a, ana waugu I'o namatu'a niawa'u naal᷊ihidda ringannu anna matemangnga.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 26:9

Ṛimuu'u luṛṛintulu-Nu sutempo ṛabbi, naungku mangngantimma Si'o sutempo marua allo. Napawe I'o makkuungngu runia indi, tumana'u runia sarun maasingkatta apan apan ṛinone.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

DARALO 119:55

Sutempo ṛabbi i ya'u uanaungnga Si'o, oh Mawu, tita-Nu sidutu ta'e aagasanna.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

DARALO 119:7

Amungkangu i ya'u mangurumma ṛaṛṛawen-Nu apan matul᷊idda, i ya'u maddalo Si'o ringannu ahewallu naungku.

DARALO 119:148

su al᷊o'engngu ṛabbi i ya'u uaalla, maṛṛingiddu al᷊aṛṛang-Ngu.

DARALO 77:2

Ringannu ma'ikkata i ya'u sussal᷊ande su Ruata; ringannu ma'ikkata i ya'u sussal᷊ande, ne i Tou naddaringikka si ya'u.

DARALO 22:2

Ruata'u, oh Ruata'u, anio I'o nanantangku? I ya'u sussal᷊ande, arawe I'o sidutu marau wuṛṛu tawe mangontola si ya'u.

YEREMIA 12:2

I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

DARALO 73:21

Sutempo i ya'u naapendamma sasassila wuṛṛu naungku naal᷊ihidda niusu'a,