DARALO 16:11 - WUKE SUSI WATTI'U AL᷊AL᷊USASSA

¹¹ I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

DARALO 16:11 Referans Kwoze

WATTI'U MANGA RASUL 2:28

I'o suete namantingidu lal᷊anna si ya'u ipatuddan wiakka apan tutune. Al᷊al᷊uassa sia'u ete niapangillembo ana waugu I'o sidutu uatantalongnga si ya'u.’

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

MATIUS 7:14

Arawe ngara wuṛṛu lal᷊anna maṛṛiputta wuṛṛu masahada amatanne, mangapiddu taumata su pabbiaṛṛanna. Wuṛṛu tumba'u mattul᷊ungnga taumata maasomba udde.”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

AMSAL 12:28

Taumata apan u'amatta su lal᷊anna apan naṛṛino sarun mabbiakka su al᷊al᷊uassa; taumata apan u'amatta su lal᷊anna sal᷊a udde mattuddan papate.

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

MATIUS 25:33

Manga taumata apan tuttuṛṛutta apulun Duata sarun iammulla su samba'an uanan-Ne, wuṛṛu waine su samba'an aiṛṛi-Ne.

DARALO 139:24

Ellehete tanne pia al᷊al᷊eo sulal᷊ummu riri'u, wuṛṛu i ya'u sulal᷊anna apan tawe panguddusanne.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

AMSAL 2:19

Taumata apan inai ringanni tou taambe piaddu nawelengnga apia su lal᷊anna apan matuddan sasal᷊amatta.

AMSAL 5:6

I tou tawe matatana'a su lal᷊anna apan mattuddan pabbiaṛṛanna; ringannu awagananna i tou nanewadda wuassu lal᷊anna udde.

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

DARALO 4:8

I'o na'ola'a naungku lembon lulluassa wuassu taumata apan manambo pangitinganne.

DARALO 68:4

Arawe taumata ma'imanna lullala'a wuṛṛu lulluassa, i mangitou mangngintul᷊in al᷊al᷊uassa su saruannu Ruata.