DARALO 15:3 - WUKE SUSI WATTI'U AL᷊AL᷊USASSA

³ apan tawe manggal᷊usa'a sansul᷊ungnge, wuṛṛu tawe ma'ola'a al᷊al᷊eo su hawene, wuṛṛu mandal᷊eo arannu al᷊indonganne;

DARALO 15:3 Referans Kwoze

ROMA 13:10

Taumata apan mandangngu taumata waine tawe ma'ola'a al᷊al᷊eo su taumata udde. Nariaddi taumata apan mandangngu sansul᷊ungnge eteudde taumata apan suete tinumuṛṛutta anambon titan agama.

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

MATIUS 7:12

Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

YESAYA 56:2

I Ya'u mangal᷊amatta taumata apan mallaghun allon Sabat wuṛṛu tawe ma'ola'a rosa su allo udde. Taumata apan tawe ma'ola'a al᷊al᷊eo sarun Ta'u olaanna ringannu mapia.”

AMSAL 25:3

Naal᷊ihidda laudda apan mal᷊al᷊umma wuṛṛu langitta apan matanggakka, aroddiwe ṛingirannu ratu apan tawe asunnanna.

AMSAL 22:10

Limbuaṛṛete taumata apan taṛṛa al᷊uandaga, ne naddote patatiakka, pasaseetta wuṛṛu ual᷊al᷊obbossa.

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

ROMA 12:17

Amungkangngu taumata mandal᷊eo si'o, arie wal᷊isannu al᷊al᷊eo. Ola'e apa apan mapia su aellegu awadaalla.

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.