DARALO 149:2 - WUKE SUSI WATTI'U AL᷊AL᷊USASSA

² Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 149:2 Referans Kwoze

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

AYUB 35:10

Arawe wal᷊ine su Ruata, Mandariaddine apan mangngonggollu antimma sutempo i ite massusa,

DARALO 47:6

Ruata niuma'iante su adderan araratuan-Ne, tatantalongannu hio wuṛṛu tingikku wiṛṛonganna.

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

YESAYA 43:15

Ete i Ya'u Mawu, Ruatanu apan na'ukkassa, Ratunu, apan nandiaddi si'o, ei Israel!”

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.