DARALO 148:4 - WUKE SUSI WATTI'U AL᷊AL᷊USASSA

⁴ Paddalote si Tou, ei langitta apan atanggaṛṛanne, paddalote si Tou, ei ua'e su wowon langitta!

DARALO 148:4 Referans Kwoze

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

TAHIUL᷊E 10:14

Mawu Ruatanu uatahuanna langitta atanggaṛṛanne; runia lai tatahuanan-Ne suadio'a ringannu lal᷊oṛṛone.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

2 KORINTUS 12:2

I ya'u maaillal᷊a sangkatou Saṛṛani apan mapul᷊ote appata su tonnane nal᷊iu niapaasengkengnga su tampa atanggaṛṛanne su surga. (I ya'u wagga tanne wadangnge atonna-tonna nasengkengnga ara'e tumba'u sambau aellega – tumba'u Ruata sassane masingkata.)

DARALO 113:6

Arawe i Tou sinumallungu watangan-Ne tadea'u maasilo langitta wuṛṛu runia.

DARALO 104:3

wuṛṛu napararisikku Wal᷊en-Nu su wowon ua'e su winalanganna. Manga winabbawa niolang-Ngu kereta-Nu, I'o uasa'e papaiddu anginna.

DARALO 68:33

Pangantarite su Ruata, ei anambon araratuanna, pangantariten daralo su Mawu,

PANDARIADDI 7:11

Su tempo i Nuh uukke 600 su tonnane, su allo appul᷊one pitu wul᷊anna aruane, nawu'ate al᷊awo'u al᷊imatan kua'e su wantan dunia. Al᷊awo'u sasabangannu ua'e su langitta nawu'a,

PANDARIADDI 1:6

Wua'udde Ruata nabbisara, “Ariadite sambau atuppa ual᷊e'onna ipattahia ua'e udde mariaddi darua, wuṛṛu maṛṛapingnga ua'e sulal᷊ummu darua tampa apan uaṛṛae.” Ana see olangnge udde nariadite. Ete aroddi Ruata na'ola'a atuppa ual᷊e'onna ipaṛṛaen kua'e su al᷊ungnge udde wuassu ua'e al᷊iu rosone.

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.

DARALO 69:35

Paddalote Ruata, ei langitta wuṛṛu runia, tahal᷊oangnga wuṛṛu anambon riadianna sulal᷊umme.