DARALO 147:5 - WUKE SUSI WATTI'U AL᷊AL᷊USASSA

⁵ Ahewallawe eteapa wuṛṛu atohassa Mawu kite, apapande-Ne tawe pattaal᷊anne.

DARALO 147:5 Referans Kwoze

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

DARALO 48:1

Daralon ṛuanganni Korah.

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

1 TAWARIKH 16:25

Ana waugu Mawu mawantuga wuṛṛu lembon raddaloanna; I Tou ṛinone ia'ata'utta nangillembo wuassu al᷊awo'u monganna.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

DARALO 99:2

Mawu lembon taṛṛino su Sion; i Tou mawantuga uapitadda al᷊awo'u walahanna.

DARALO 135:5

Ana waugu i ya'u masingkatta Mawu wahewalla atonna, i Tou mawantuga nangillembo wuassu al᷊awo'u monganna.

AYUB 36:5

Ruata udde matohassa! Sarangkanambone udde asingkatan-Ne. Tawe saran sangkatou apan aellehan-Ne addio'a.

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

DANIEL 2:20

wisarane, “Ruata udde pande wuṛṛu matohassa, dalo si Tou saran mal᷊annu-l᷊annu!