DARALO 147:19 - WUKE SUSI WATTI'U AL᷊AL᷊USASSA19 I Tou namasingkattu tanata-Ne su al᷊aṛṛanang-Nge, parenta-Ne wuṛṛu tita-Ne su taumata apan nipile-Ne. Gade chapit la |
Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”
Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.
Olangnge udde niola'a napawe i mangitou sinumabbangke wuassu Mesir wuṛṛu uatana'e su wawal᷊anne samba'an da'i, Sal᷊ukku Yordan, uasasaruannu soan Bet-Peor. Wageangngu leta'a udde lanna'u paparentanni Sihon, ratun taumatan Amori, apan dorone uaparenta su soan Hesybon. I Musa wuṛṛu walahannu Israel namaddon tou su tempo i mangitou sinumabbangnga wuassu Mesir.
I Ezra sangkatou apan pia si'olane wuṛṛu masingkattu su ola'u anambon Tita apan nionggollu Mawu, Ruatan Israel si Musa. Ana waugu Ezra nial᷊amatannu Mawu Ruatane, ne ratu nangonggolla si tou al᷊awo'a apan raddoronganne. Su tonna appitune sutempo i Ratu Artahsasta uaparenta, Ezra napul᷊ete wuassu Babel mattuddan Yerusalem suaddio'a ringannu ammul᷊annu taumatan Israel eteudde manga pira imam, taumatan Lewi, mangangantari see mandariagga ngara su Wal᷊en Mawu, wuṛṛu manga mamamanara.