DARALO 147:14 - WUKE SUSI WATTI'U AL᷊AL᷊USASSA

¹⁴ I Tou mallu'adda wageangngu letangngu tadea'u sidutu mal᷊angnganna, wuṛṛu malluassa si'o ringannu gandumma apan apianne.

DARALO 147:14 Referans Kwoze

DARALO 81:16

Taumata apan maddantinnu Ruata sarun Ta'u iapasuṛṛubbawa, i mangitou sarun iṛṛuumanna saran mal᷊annu-l᷊annu.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 132:15

Al᷊awo'u hausanne sarun Ta'u suunganna ringannu manambo, manga taumata asiangnga Ta'u iapaanna ma'oman sara mal᷊aidda.

TAHIUL᷊E 32:14

sapi wuṛṛu ambinga domba mangitou napasabbangngu manambo susu; winatangngi mangitou apianne, gandumma wuṛṛu ua'e anggori mangitou lembon apianne.

ZAKARIA 9:8

I Ya'u sarun mandiaga leta-U wuṛṛu mannal᷊are ammul᷊annu tantara raho apan sumabbi umamatta isudde. I Ya'u tate lai mamala mangangallangnga mandal᷊eo uma-U. Ana waugu asasusan mangitou buatte Ta'u niasiloanna.”

YESAYA 66:12

Ana waugu Mawu nabbisara, “I yamiu sarun Ta'u onggol᷊annu lal᷊umanna'a naal᷊ihidda sal᷊ukka apan mangngelekka; pa'aala manga walahanna sarun iapidda ringannu naal᷊ihidda sal᷊ukka apan tuttompe'a. I yamiu naal᷊ihidda ana'a apan iappasusu wuṛṛu sasal᷊uruannu inangngene, see lai sassaṛṛiolohanna su ṛiwane.

DARALO 122:6

Aal᷊iomante su apapian Yerusalem: “Antimanna anambon taumata marangngu si'o su lal᷊umanna'a.

1 TAWARIKH 22:9

Salaiwe aroddi, i Tou buatte nangonggolu pa'aire indi si ya'u: ‘I'o sarun maasomba sangkatou ana'a esakka apan sarun mamarenta ringannu mal᷊angnganna, ana waugu i Ya'u sarun mantul᷊ungngi tou ma'oman sara tawe seetta apan mamangalo si tou. I tou sarun isaggo i Salomo ana waugu sutempo i tou uaparenta i Ya'u sarun mangonggolu al᷊al᷊angnganna wuṛṛu atatahul᷊andimma su ahewallu Israel.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

YEHEZKIEL 27:17

Yehuda wuṛṛu Israel nanu'addu saranapanu ringannu gandumma, pul᷊a, lanan zaitun wuṛṛu rampa-rampa.

DARALO 132:11

Mawu buatte nassalu si Daud; i Tou tawe massinaaddu paaire-Ne. Wisara-Ne, “Sangkatou anangngu sarun Ta'u itenega ratu iapaparenta mallol᷊ossa si'o.

YEHEZKIEL 16:13

Etearoddi i'o lal᷊ogaṛṛannu wul᷊awanna wuṛṛu sal᷊a'a; laungngu niola'a wuassu linen wuṛṛu sutra pia karawange. I'o wotongnge umanna roti wuassu taponna apan apianne, ringannu pul᷊a, wuṛṛu lanan zaitun. Araṛṛamagu ete nangillembo wuṛṛu i'o naola'e wo'i.