DARALO 147:11 - WUKE SUSI WATTI'U AL᷊AL᷊USASSA

¹¹ Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

DARALO 147:11 Referans Kwoze

DARALO 33:18

Mawu ual᷊u'adda manga taumata apan mangngimanna apan uaantimma darangngu-Ne.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

DARALO 33:22

Antimanna i yami sidutu arangnguan-Nu, oh Mawu, ana waugu i yami mangngantimma Si'o.

DARALO 35:27

Antimanna taumata apan maapulu ma'ellega si ya'u iapaṛṛino lullala'a wuṛṛu lulluassa. Antimanna i mangitou masokka mabbisara, “Mangke atonna Mawu mawantuga! I Tou maapulun asasal᷊amattu allang-Nge!”

AMSAL 31:30

Pahudda maṛṛamaga tawe apangimananna, wuṛṛu araṛṛamaga sarun mawul᷊i; arawe wawine apan mararingikka Mawu ṛinone maasomba daralo.

AMSAL 11:20

Mawu maddantinnu taumata apan ma'ola'a al᷊al᷊eo, arawe i Tou mandangngu taumata apan mabbiakka tawe sangkulle.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

REENGANNA 14:8

Amungkangngu Mawu mamalan kite, i Tou sarun mangapiddi ite poiaroddi wuṛṛu mangonggolu leta'a apan ala wuṛṛu masuwukka udde si ite.