DARALO 146:6 - WUKE SUSI WATTI'U AL᷊AL᷊USASSA

⁶ Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 146:6 Referans Kwoze

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

DARALO 95:5

I Tou uataṛṛino tahal᷊oangnga; ana waugu i Tou ma'aolangnge, ammaranne lai lanna'u lima-Ne.

DARALO 89:2

Darangngu-Nu, Mawu, ta'ute iantari su al᷊o'engngu allo, apapia-Nu sarun ta'u iwatti'a sara maṛṛawa mappulunna.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

DARALO 117:2

Ana waugu tumaniten wahewalla darangngun Mawu si ite apapia-Ne sidutu sarangkal᷊o'engnge. Paddalote Mawu!

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

YOHANES 10:34

See Mawu Yesus sinumimbakka, “Wal᷊inewe sulal᷊ummu Wuken Titanu uawoṛṛetta: Ruata nabbisara, ‘Ete i yamiu udde mawu?’

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

DARALO 89:33

i mangitou Ta'u iṛṛuumanna ringannu puul᷊anna ana waugu lal᷊awangnge, wuṛṛu Ta'u emaannu asasilaka ana waugu manga rosane.

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.