DARALO 145:8 - WUKE SUSI WATTI'U AL᷊AL᷊USASSA

⁸ Mawu udde marangngu wuṛṛu maakkanna, mal᷊annu masa'u wuṛṛu sidutu marangngu.

DARALO 145:8 Referans Kwoze

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

DARALO 103:8

Ana waugu Mawu marangngu wuṛṛu maakkanna, i Tou masabare wuṛṛu darangngu-Ne uatinnalunna.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 116:5

Mawu udde marangngu wuṛṛu matul᷊idda; Ruatan kite napenen aakkanna.

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

EFESUS 2:4

Arawe aroddi ahewalle darangngun Duata! I Tou aroddi marangngu si ite,

EFESUS 1:8

I Tou na'ola'a udde ana waugu i Tou lembon marangngu si ite, wuṛṛu darangngu udde nionggolla si ite ringannu al᷊awo'u apande wuṛṛu asingkata.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.