DARALO 145:3 - WUKE SUSI WATTI'U AL᷊AL᷊USASSA

³ Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

DARALO 145:3 Referans Kwoze

DARALO 147:5

Ahewallawe eteapa wuṛṛu atohassa Mawu kite, apapande-Ne tawe pattaal᷊anne.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

AYUB 9:10

I ite tawe maasunna anambon manara-Ne, i ite tawe maareengngu manga al᷊aṛṛindu-Nge.

DARALO 139:6

Alal᷊ummawe eteapa si ya'u apapande-Nu udde, tawe a'omannu ṛingirangku.

DARALO 48:1

Daralon ṛuanganni Korah.

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

1 TAWARIKH 16:25

Ana waugu Mawu mawantuga wuṛṛu lembon raddaloanna; I Tou ṛinone ia'ata'utta nangillembo wuassu al᷊awo'u monganna.

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.