DARALO 145:15 - WUKE SUSI WATTI'U AL᷊AL᷊USASSA

¹⁵ Anambon riaddianna wiakka uaantimma Si'o; I'o mangonggolu anna si mangitou sutempone.

DARALO 145:15 Referans Kwoze

DARALO 136:25

Suapawe riadianna wiakka nionggol᷊oan-Ne anna; darangngu-Ne tawe panguddusanne.

DARALO 104:27

I mangitou sarangkamabone mangngantimma Si'o, tadea'u maasomba anna sutempone.

WATTI'U MANGA RASUL 17:25

I Tou lai tawe madorongnga tul᷊unganna su taumata, ana waugu ete i Tou apan mangngonggolu wiakka wuṛṛu sasangngo wuṛṛu manga al᷊awo'a su taumata.

MATIUS 6:26

Pa'ellege manu'u winalanganna. I mangitou tawe massuanna, tawe mangitingnga wuṛṛu tawe lai mangammullu wuan sinuananne sulal᷊ummu wal᷊ingkakka. Manimbe aroddi Iamangngu su surga mappadul᷊i lai si mangitou! Wal᷊inewe i yamiu maareganne marau wuassu manu'u winalanganna?

LUKAS 12:24

Panutukka paapia manga manu'u winalanganna! I mangitou tawe massuanna, tawe mangitingnga, tawe lai gudangnga ara'e wal᷊ingkakka. Arawe Ruata mappadul᷊i si mangitou! I yamiu lembo maareganna wuassu manga manu'a udde!

PANDARIADDI 1:30

Arawe su al᷊awo'u manu'u winalanganna wuṛṛu winatangnga matengnga waine, Ta'u ionggolla manga nannal᷊o wuṛṛu sinuananna maddongnga maola'a wiakke.” Ne olangnge udde nariaddite.

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.

DARALO 104:21

Manga singa saṛṛen tumuwo mammiṛonganna maddea'a wiakke, maddorongnga anna apan buatte nisaddian Duata.

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.