DARALO 141:6 - WUKE SUSI WATTI'U AL᷊AL᷊USASSA

⁶ Napawe manga tembonanni mangitou iramme wuassu manga rampissu watu, i mangitou sarun manga'u manungku manga wisara'u atonna.

DARALO 141:6 Referans Kwoze

2 TAWARIKH 25:12

Mapul᷊o ṛiwu waine niatawanna. I mangitou niapidda su puiddu wowon batu su soa Sela ana see tinuntungnga inawa na'oman sara nate.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

1 TAWARIKH 13:2

Ana see i tou nabbisara su anambon taumata udde, “Amungkangu manga tuṛṛangnga maapulu, wuṛṛu iwalan Mawu, Ruatan kite, mappianne i ite mandolokku taumata inai ringannu manga imam wuṛṛu manga taumatan Lewi su manga ampungngi mangitou, see lai anambon walahanni ite waine mandolokki mangitou iaparanta maammula ringanni ite isindi.

1 TAWARIKH 12:38

Anambon tantara udde inaite watukku Hebron ringannu nariahite mapapangalo wuṛṛu nabbaidde manenegi Daud maola'a ratu su ahewallu Israel. Ne anambon taumatan Israel waine lai naungnge sambua su olangnge udde.

2 SAMUEL 23:1

I Daud ana'i Isai nipile naola'a ratu wuṛṛu niola'u Ruatan Yakub taumata apan a'addatanna. Ete i tou apan nangarangngu manga aantari hunan Israel. Eteindi wisaran Daud apan panginsulanne;

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”