DARALO 141:5 - WUKE SUSI WATTI'U AL᷊AL᷊USASSA

⁵ Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

DARALO 141:5 Referans Kwoze

MANNANASE 7:5

Mappianne tagguannu taumata apan pia budine, wuassu raloannu taumata apan masahadda massunna.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

AMSAL 25:12

Tatagun taumata pande su taumata apan mappulu maddaringikka naal᷊ihidda sinsingnga wul᷊awanna ara'e lal᷊oggakka wul᷊awanna.

AMSAL 19:25

Amungkangngu taumata mawunga iṛṛuumanna, taumata apan tawe pangalamanne maasomba al᷊aṛṛa'a. Amungkangngu taumata mapia tagguanna i tou sarun aatambanna apandene.

AMSAL 15:5

Taumata woddo tawe maddaringikka al᷊aṛṛa'u iamangnge, taumata pande maddaringikka tataggu.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

DARALO 125:4

Oh Mawu pa'ola'e apapia su taumata mapia, su taumata apan naungnge waresi.

DARALO 51:18

I'o maddirin sasamba laṛṛatanna; unnu wisara i ya'u nangonggolu sasamba itattambuna, ne I'o maddiri.

DARALO 23:5

I'o nanaddia andeangnga si ya'u su saruannu matan see'u. I'o nanal᷊oho si ya'u naola'a raho apan aaddatanna. I'o nanaru si ya'u ua'e apan mangkatemanga manambo-nambo.

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

AMSAL 15:22

Hol᷊aga tawe nariaddi, amungkangngu tawe tatantalongannu pallaṛṛingidda; hol᷊aga mahessi, amungkangngu manambo apan mangonggollu tatantiro.

IMAMATTA 19:17

Imbaṛṛangnga mangune su saruanni sai-sai. Insuete pabbawawul᷊onu ringannu al᷊awo'u taumata, tadea'u i yamiu tawe marosa ana waugu taumata waine.

AMSAL 12:1

Taumata apan mappulun asingkatta i tou mal᷊uassa maasomba tatagu; arawe taumata apan maddiri taguanna uddewe taumata longonna.