DARALO 140:6 - WUKE SUSI WATTI'U AL᷊AL᷊USASSA

⁶ Taumata mawunga mal᷊anna-l᷊annaba mantaingngu sedda si ya'u, wuṛṛu namataddu soma ipanametta si ya'u. Su al᷊o'engngu lal᷊anna i mangitou mantaingngu sedda ipanongnga si ya'u.

DARALO 140:6 Referans Kwoze

DARALO 31:14

Su al᷊awo'u tampa pia atata'utta; i ya'u maaringikka sasal᷊imburungu see'u. I mangitou nabbaidda mando'appa si ya'u wuṛṛu maṛṛiinna tadea'u mamate si ya'u.

DARALO 16:2

I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

DARALO 119:57

Tumba'u I'o apan ipaapulu'u, oh Mawu, i ya'u maddiandi sarun mappaamattu al᷊aṛṛang-Ngu.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

LAL᷊ALLU 3:24

Mawu uddewe darotongku tutune. Ana waugu udde, i ya'u uaantimma si Tou.

DARALO 143:1

Daralon Daud. Oh Mawu, daringiṛṛewe aal᷊iomanku, sengkamawe darorongku. Simbaṛṛewe i ya'u ana waugu apapia-Nu, tipussawe aal᷊iomangku ana waugu atatul᷊iddu Mawu.

DARALO 130:2

Mawu, daringiṛṛewe sasal᷊ande'u, ellehewe darorongku.

DARALO 116:1

I ya'u mandangngu Mawu, ana waugu i Tou naddaringikka si ya'u wuṛṛu nangutungu darorongku.

DARALO 91:2

wotongnge mabbisara su Mawu, “Ete I'o mangangambangku wuṛṛu mandariaga'u, Ruata'u, tumba'u Si'o i ya'u mangimanna.”

DARALO 64:1

Su piaṛṛa'u mangangantari. Daralon Daud.

DARALO 57:7

See'u mantaingngu sedda si ya'u, wuṛṛu nangaddio'a naungku. I mangitou naal᷊i loṛṛangnga su amatangku, arawe i mangitou sassane nawontolla sulal᷊umme.

DARALO 142:4

Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

YEREMIA 18:22

Doloṛṛa'e manana'o rumanta ringannu tawe bawal᷊one su wal᷊e mangitou, ma'oman sara i mangitou mangintul᷊in atata'utta. I mangitou buatte naal᷊i loṛṛangnga tadea'u i ya'u manawo sulal᷊umme, wuṛṛu i mangitou buatte nantaingngu sedda ipanametta si ya'u.