DARALO 140:13 - WUKE SUSI WATTI'U AL᷊AL᷊USASSA

¹³ I ya'u masingkatta I'o nangonggolu atatul᷊idda su taumata apan niallangnga, wuṛṛu nanamba'a hatton taumata asiangnga.

DARALO 140:13 Referans Kwoze

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

DARALO 11:7

Ana waugu Mawu mapia wuṛṛu matul᷊idda, I Tou mandangngu taumata apan inolaanne mapia; taumata matul᷊idda sarun maasilo wuṛṛu maailal᷊a Mawu.

1 TESALONIKA 4:17

Wua'udde, i ite apan ta'e wiakka su tempo udde sarun masengkengnga su sampunna ringanni mangitou sulal᷊ummu winabbawa maisasomban Duata su winalanganna. See i ite matana'e ringannu Mawu saran mal᷊annu-l᷊annu.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

DARALO 97:12

Lallala'e, ei manga taumata apan naungnge matul᷊idda ana waugu sarangkanambone apan buatte niola'u Mawu, wuṛṛu paadiangkamante su Ruata apan susi.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 23:6

I ya'u masingkatta I'o mapia si ya'u, wuṛṛu sidutu marangngu si ya'u. Ne i ya'u wotongnge matana'a su Wal᷊en-Nu, su al᷊o'engngu pabbiaṛṛangku.

AYUB 36:6

Taumata apan marosa tawe niwala-Ne mabbiakka mal᷊annu, I Tou mangngonggollu atatul᷊idda su taumata apan uatataṛṛangnga.

DARALO 35:10

Ringannu ahewallu naungnga i ya'u nabbisara, “Mawu, I'o tawe sul᷊ungnge! I'o namallossu taumata lome wuassu taumata matohassa, iapa asiangnga wuṛṛu susa wuassu mananansarane.”

AMSAL 22:23

Ana waugu, Mawu sarun manamba'a hatton mangitou wuṛṛu manawutta niawan taumata apan mangngallanga si mangitou.