DARALO 14:3 - WUKE SUSI WATTI'U AL᷊AL᷊USASSA

³ Arawe anambon taumata buatte sinumewadda wuṛṛu nal᷊al᷊eo, tawe saran sangkatou apan na'ola'a apapia.

DARALO 14:3 Referans Kwoze

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

DARALO 14:1

Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

AYUB 14:4

Wotongngewe taumata apan marosa mandantan inolaanna apan nasuungnga?

DARALO 58:3

Tawe, i yamiu manggol᷊agu al᷊al᷊eo, wuṛṛu mangngal᷊iba'ukka su wanua indi.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

DARALO 38:5

I ya'u nal᷊ammisa su manawangngu pasasal᷊a'u, winabbawan rosa'u tumaniten mawakkata si ya'u.

TAHIUL᷊E 1:35

‘Tawe saran sangkatou wuassu ammul᷊annu taumata indi apan maasutta su wanua masuwukka apan Ta'u pina'ire su iupungngu al᷊amonanu.

1 KORINTUS 6:5

Tumaniten maasili! Asinungka su wallatti yamiu pia sangkatou pande apan wotongnge manginsue pattatiakka su wallattu manga tuṛṛangnga apan rundussa Saṛṛani!

AYUB 15:16

Nangillembote lai taumata apan dal᷊eo wuṛṛu napenen pasasal᷊a, apan ma'inumma al᷊al᷊eo naal᷊ihidda ua'e.

SASABANGNGA 12:30

Ṛabbi udde ratu, manga mammamanaran araratuanna wuṛṛu anambon taumata Mesir napu'o. Su ahewallu wanua Mesir niaringikka tingikku lal᷊allu apan ma'ikkata ana waugu tawe saran sambau wal᷊en tawe niapateannu sangkatou ana'a esakka.

SASABANGNGA 8:31

wuṛṛu Mawu naddaringikka aal᷊iomanni Musa. Manga lango udde tinumalla'e nanantangngu ratu, manga manmamanaran araratuanna wuṛṛu tumana'u araratuanna. Tawe saran sambau apan ta'e natantangnga.

PANDARIADDI 6:12

Ruata ma'ellega runia indi wuṛṛu tumba'u naasilo al᷊al᷊eo, ana waugu anambon taumata lal᷊eo wiakke.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.