DARALO 14:2 - WUKE SUSI WATTI'U AL᷊AL᷊USASSA

² Wuassu surga Mawu ual᷊ellega umattu taumata maddea'a taumata pande wuṛṛu massubba si Tou.

DARALO 14:2 Referans Kwoze

ROMA 3:11

tawe saran sangkatou apan maasunna wuṛṛu tawe saran sangkatou apan massubba Ruata.

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

PANDARIADDI 6:12

Ruata ma'ellega runia indi wuṛṛu tumba'u naasilo al᷊al᷊eo, ana waugu anambon taumata lal᷊eo wiakke.

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

MATIUS 13:15

Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

2 TAWARIKH 19:3

Salaiwe aroddi piaddu lai apapia si Tuangnga. i Tuangnga buatte nandammen anambon paal᷊uannu Monganni Asyera apan sassubbannu tumana'u soa wuṛṛu i Tuangnga buatte nattinsahadda mabbiakka tumuṛṛuttu apulun Duata.”

AMSAL 9:16

“Wette otongke, ei i yamiu apan ta'e waggan ola'u pabbiaṛṛanna!” Wuṛṛu su taumata apan dal᷊eo i tou mabbisara,

DARALO 82:5

I yamiu wagate apa-apa, woddo wuṛṛu nial᷊iwune, ana waugu i yamiu, lal᷊oṛṛon banua tate atoranne.

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

AMSAL 2:9

Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

LAL᷊ALLU 3:50

maddatingngu I'o, oh Mawu su surga, ual᷊u'adda si yami.

AMSAL 9:4

“Isai apan tawe apanden pabbiaṛṛanne rantate isindi!” Su taumata apan apande asingkatta nabbisara,

DARALO 107:43

Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

PANDARIADDI 18:21

Ana waugu udde i Ya'u inai sumossokka poiaroddi mamarikassa tanne anambon aalae apan niaringiṛṛang-Ku udde atonna ara'e tawe.”

PANDARIADDI 11:5

Ne Mawu sinumossokke ma'ellega soa wuṛṛu candi apan niapararisikku taumata.

YESAYA 64:1

Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,

DARALO 69:32

Udde lembon ipaapulun Mawu wuassu sasamba sapi, sasamba sapi wahewalla.

2 TAWARIKH 30:19

“Mawu Ruata raddaloannu al᷊amonan kami, antimanna wuassu apapian naung-Ngu, I'o mangampungnga si mangitou apan tantal᷊anna mattaṛṛamawu Si'o ringannu ahewallu naugnge, salaiwe i mangitou tawe napasusin batanganne.”

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

DARALO 11:4

Mawu su Wal᷊en-Ne apan susi, aianan-Ne su surga. I Tou ma'ellega umattu taumata wuṛṛu maasingkatta al᷊awo'u inolaanni mangitou.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.