DARALO 14:1 - WUKE SUSI WATTI'U AL᷊AL᷊USASSA

¹ Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

DARALO 14:1 Referans Kwoze

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

DARALO 53:1

Su piaṛṛa'u mangangantari. Tumuṛṛuttu aantari: Mahalat. Aantari al᷊aṛa'i Daud.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.

AMSAL 27:22

Salaiwe taumata woddo heseṛṛanna ma'ikka-ikkatta, tawe mawul᷊i awawoddone.

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AYUB 22:13

Arawe i'o naiwal᷊o, “I Tou masingkattu apa? I Tou su samba'an binabbawa wuṛṛu tate mappakuungngi ite.”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

DARALO 107:17

Piaddu longonna wuṛṛu uatataṛṛangnga ana waugu manga rosan mangitou, wuṛṛu nisansaranna ana waugu pasasal᷊an mangitou.

AYUB 15:16

Nangillembote lai taumata apan dal᷊eo wuṛṛu napenen pasasal᷊a, apan ma'inumma al᷊al᷊eo naal᷊ihidda ua'e.

1 SAMUEL 25:25

Ariewe i Tuangnga maṛṛingiddi Nabal, taumata apan tawe gunane udde! I tou taumata longonna – ere atappasannu aranne. Allangngu tawe naasilo manga daroloṛṛanna apan nirolokki Tuangku udde.

AMSAL 13:19

Apiawe eteapa amungkangngu maasomba apa apan ipaapulu! Taumata woddo maddiri mabbal᷊i'a wuassu al᷊al᷊eo.

DARALO 73:3

ana waugu naungku lal᷊eo su taumata mawunga, sutempo i ya'u naasilo aauntungannu taumata lal᷊eo.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

YEREMIA 6:28

I mangitou sarangkanambone lumal᷊awangnga apan maatikka puane, ere aattikku witu'a wuṛṛu atta'a. I mangitou ala'uanne mawukku'a wuṛṛu u'amatta suapan tampa mannal᷊iawukku watti'a apan mandal᷊eo taumata waine.