DARALO 139:3 - WUKE SUSI WATTI'U AL᷊AL᷊USASSA

³ I'o maasilo si ya'u, mawae ete i ya'u mammanara ara'e mangngillol᷊o, I'o masingkatu al᷊awo'a apan ta'u mammanaranna.

DARALO 139:3 Referans Kwoze

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

AYUB 31:4

Ruata sarun masingkattu al᷊awo'u inolaangku; I tou maasilo al᷊awo'un lempangku.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

DARALO 139:18

Napawe ta'u ireengnga, mannamboanna wuassu anne; napawe i ya'u mapo'u, I'o lai ta'e ta'u iraṛingidda.

YESAYA 29:15

Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

YOHANES 13:21

Napawe Mawu Yesus suete nabbisara aroddi, naungngi Tou mangke natuno. See i Tou nabbisara, “Mangke atonna wisara-U indi; sangkatou wuassu wallatti yamiu sarun mamate si Ya'u.”

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

2 SAMUEL 8:14

I tou napararisikku manga paddasanannu tantara su ahewallu Edom, wuṛṛu manga taumatan Edom udde uasuṛṛubbawate si tou. Mawu nangonggollu auntunganna si Daud suapan tampa i tou mapapangalo.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

DARALO 119:168

I ya'u maddaringikka parenta wuṛṛu tatantiro-Nu, ana waugu I'o maasilo al᷊awo'u inolaangku.