DARALO 139:24 - WUKE SUSI WATTI'U AL᷊AL᷊USASSA

²⁴ Ellehete tanne pia al᷊al᷊eo sulal᷊ummu riri'u, wuṛṛu i ya'u sulal᷊anna apan tawe panguddusanne.

DARALO 139:24 Referans Kwoze

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

DARALO 5:8

Arawe ana waugu darangngu-Nu apan wahewalla, i ya'u wotongnge maasutta sulal᷊ummu Wal᷊en-Nu. I ya'u massubba watukku saruannu Wal᷊en-Nu apan susi, wuṛṛu massubba Si'o ringannu atonna-tonna.

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

AMSAL 28:26

Isai mangngasakka lal᷊annu ṛingiranne sassane, tawe ṛingiranna mapia. Isai tuttuṛṛuta al᷊aṛṛa'u taumata pande sarun masal᷊amatta.

MATIUS 7:14

Arawe ngara wuṛṛu lal᷊anna maṛṛiputta wuṛṛu masahada amatanne, mangapiddu taumata su pabbiaṛṛanna. Wuṛṛu tumba'u mattul᷊ungnga taumata maasomba udde.”

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 119:1

Lal᷊umanna'a su taumata apan mabbiakka tawe sangkulle wuṛṛu matuṛṛutta su manga titan Mawu.

AMSAL 15:9

Mawu maddantinnu ola'u wiakku taumata marosa, arawe i Tou u'akkannu taumata apan mattinsahadda tuttuṛṛutta apulu-Ne.

DARALO 27:11

Pantingira'awe si ya'u apulu-Nu, oh Mawu, ehettawe i ya'u su lal᷊anna apan matul᷊idda, ana waugu see'u tumaniten manambo.