DARALO 138:8 - WUKE SUSI WATTI'U AL᷊AL᷊USASSA

⁸ I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

DARALO 138:8 Referans Kwoze

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

DARALO 57:2

Akkanaawe i ya'u, oh Ruata, akkanaawe i ya'u, ana waugu ete Si'o i ya'u uatillumma. Sulal᷊ummu al᷊ungngu papaiddu Mawu i ya'u uaimbuni, na'oman sara tandi'a mabbal᷊i mal᷊enakka.

1 TESALONIKA 5:24

Ruata, apan suete namaggo si yamiu, sarun ma'ola'a olangnge udde ana waugu i Tou tawe maabbul᷊i.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

DARALO 136:1

Paadiangkamante su Mawu, ana waugu i Tou mapia; darangngu-Ne tawe panguddusanne.

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

ROMA 5:10

Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

AYUB 14:15

Ne I'o sarun mamaggo si ya'u, ne i ya'u lai sarun sumimbakka; I'o sarun mandangngu si ya'u apia, riadianna apan niolang-Ngu.

AYUB 10:8

I ya'u indi nilanginnu lima-Nu, ṛatadde orassa indi I'o mamate si ya'u?

AYUB 10:3

Apa untungnge amungkangngu I'o mangngallangnga arendi, wuṛṛu mandammen hessin manara-Nu sassane? Apa untungnge amungkangngu I'o susambau addapatta wuṛṛu ṛiinnu manga taumata lal᷊eo?

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

DARALO 57:3

I ya'u sussal᷊annde su Mawu Apan Atanggaṛṛanne, su Ruata apan mammanara ana waugu i ya'u.