DARALO 136:2 - WUKE SUSI WATTI'U AL᷊AL᷊USASSA

² Paadiangkamante su Ruata Apan Atanggaṛṛanne; darangngu-Ne tawe panguddusanne.

DARALO 136:2 Referans Kwoze

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

DARALO 97:9

Ana waugu I'o, oh Mawu, tembonannu ahewallu runia; I'o mawantuga nangillembo wuassu al᷊awo'u monganna.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.

YOSUA 22:22

“Apan Lembon Taṛṛino eteudde Mawu! Apan Lembon Taṛṛino eteudde Mawu! I tou masingkatta anio yami na'ola'a inolaanna indi, wuṛṛu yami maapulu tadea'u i yamiu lai maasingkatta! Unnu wisara na'ola'a inolanna indi ringannu pandumma lumawangnga Mawu ara'e ana waugu yami tate lai mangimanna si Tou, wala'e yami mate orassa indi!

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

DARALO 82:1

Daralon Asaf. Ruata uapiaṛṛa'u ammul᷊anna susi su surga, ana see i Tou lai nakkawessa;