DARALO 136:1 - WUKE SUSI WATTI'U AL᷊AL᷊USASSA

¹ Paadiangkamante su Mawu, ana waugu i Tou mapia; darangngu-Ne tawe panguddusanne.

DARALO 136:1 Referans Kwoze

DARALO 118:1

Paadiangkamante su Mawu ana waugu i Tou mapia, darangngu-Ne tawe panguddusanne.

1 TAWARIKH 16:34

A'al᷊iomante su Mawu, ana waugu i Tou mapia; darangngu-Ne saran mal᷊annu-l᷊annu.

DARALO 106:1

Paadiangkamante su Mawu, ana waugu i Tou mapia; darangngu-Ne tawe pattaal᷊anne.

1 TAWARIKH 16:41

Imam Zadok wuṛṛu manga imam udde sasumbalanni Heman wuṛṛu i Yedutun see lai manga taumata waine apan buatte nipile iapaantarin daralo su Mawu ana waugu darangngu-Ne apan tawe panguddusanne.

DARALO 107:1

“Paadiangkamante su Mawu ana waugu i Tou mapia, darangngu-Ne sarangkal᷊o'engnge.”

2 TAWARIKH 20:21

Napawe buatte nabbaidda ringannu tumanangnge, ratu nandolokku mangangantari malluṛṛen laubba uasul᷊ungnga apan wiasane tumba'u ilalluṛṛe su lal᷊aghu pangangagama. Mangangantari udde ṛinone uawarissa ringannu maṛṛamaga su saruannu warisannu tantara lapiddu mangngantari, “Paddalote Mawu! Darangngu-Ne tawe panguddusanne!”

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

2 TAWARIKH 7:3

Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

2 TAWARIKH 7:6

Manga imam uarisikka su tampane apan tinantunna si mangitou; uasasaruannu taumatan Lewi apan tantal᷊anna maddalo Mawu ringannu mannalangnga musikka apan nilanginni Ratu Daud, lapiddu mangngantari aantari “Darangngu-Ne saran mal᷊annu-l᷊annu!” uasul᷊ungngu ere buatte nirolokki Daud. Manga imam nattiuppa trompeta tantal᷊anna tumanangnge sarangkanambone uarisikka.

DARALO 105:1

Paadiangkamante su Mawu, pasingkata'e awawantu-Ge, wattia'e inolaan-Ne su manga walahanna.

DARALO 119:68

Ana waugu I'o mapia wuṛṛu na'ola'a apapia, i ya'u aṛṛa'ewen manga tita-Nu.

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.