DARALO 135:9 - WUKE SUSI WATTI'U AL᷊AL᷊USASSA

⁹ Poiaroddi i Tou na'ola'a manambo al᷊aṛṛindu'a wuṛṛu tatiala ipakkuumannu ratu wuṛṛu manga mamanarane.

DARALO 135:9 Referans Kwoze

DARALO 136:15

Arawe tumana'u Mesir wuṛṛu tantarane nilammisu Mawu; darangngu-Ne tawe panguddusanne.

TAHIUL᷊E 6:22

Yami sassane ual᷊ellega Mawu na'ola'a manga al᷊aṛṛindu'a wuṛṛu manga inolaanna apan maata'utta taumatan Mesir wuṛṛu ratun mangitou wuṛṛu anambon tembonanne.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

DARALO 78:12

Su saruannu al᷊amonan mangitou, Ruata na'ola'a al᷊aṛṛindu'a su wanua Mesir, su leta'u Zoan.