DARALO 135:7 - WUKE SUSI WATTI'U AL᷊AL᷊USASSA

⁷ Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

DARALO 135:7 Referans Kwoze

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

ZAKARIA 10:1

Napawe tempon manontongnga rumantate, paddorongke uranna su Mawu. Ne Mawu sarun mangammullu winabbawa ma'itumma, wuṛṛu manosokku urana masassaga ma'oman sara manga wawail᷊anna mabbal᷊i mangelomma mapia su anambon taumata.

YEREMIA 51:16

Tumba'u ringannu mangonggollu parenta, mangngelekke ua'e su winalanganna. Wuassu manga pentakku runia niaparanta-Ne winabbawa, wuṛṛu niolang-Nge sawallo malleessa sulal᷊ummu uranna, see niaparanta-Ne anginna wuassu tampa araddoanne.

YOHANES 3:8

Anginna tuttiupa watukkuapa ipa'apul᷊une; i ite ma'aringikka tingikke, arawe i ite wagga wuassuapa rarantane wuṛṛu watukku apa amatanne. Aroddi lai taumata apan niasungkangngu Ghaṛṛahon Ruata.”

DARALO 148:8

ei sawallo wuṛṛu uranna eisse, salju wuṛṛu winabbawa, anginna ma'ikkatta apan tuttuṛṛutta parentan Mawu!

YUNUS 1:4

Yunus nilumintukka su tampa apan al᷊iuwowane wuṛṛu nilumallowangnga isudde, ana see niamatiil᷊anna mal᷊angnga. Wua'udde Mawu nandantan anginna ma'ikkatta su tahal᷊oangnga, ana see nariaddite tandi'a apan wahewalla, apan namuulla apalla udde na'oman sara maranite mapesangnga. Manga mamanaran apalla tumaniten matta'utta wuṛṛu mangngintulite maiontolla, sangkatou-sangkatou su monganne sassane. Su ipanggaingnga asasilaka lumakkubba, i mangitou namarentan lurannu apalla udde su tahal᷊oangnga.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

DARALO 107:25

Wuassu parenta-Ne tinumiuppe anginna al᷊isusu wuṛṛu tahal᷊oangnga nattandi'e.

AYUB 5:10

I tou nanossokku uranna su wowon dunia, na'oman sara wawail᷊anna wuṛṛu wadda'a naṛṛolo niwokkanne.

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

DARALO 78:26

I Tou lai nandolokku anginna ra'i tinumiuppa; ringannu taṛṛino-Ne anginna timukka sinumingangu.