DARALO 132:9 - WUKE SUSI WATTI'U AL᷊AL᷊USASSA

⁹ Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

DARALO 132:9 Referans Kwoze

AYUB 29:14

Inolaangku matul᷊idda tawe sangkulle; i ya'u sidutu mannahekku atatul᷊idda.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

DARALO 104:1

Paddalote Mawu, ei ṛimuu'u! Aroddi awantuge I'o, oh Mawu Ruata'u! I'o uapeddettu araṛṛamaga wuṛṛu araṛṛansangnga,

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

DARALO 149:5

Wala'e al᷊aṛṛana'u Ruata lumala'a ana waugu awawantu-Ge, wuṛṛu mangngantari lulluassa su al᷊o'engngu ṛabbi.

DARALO 70:4

Wala'ewe taumata apan lullage'u mabbal᷊i ṛumindu'a wuṛṛu masili.

DARALO 68:3

Ruata nallimbuakka si mangitou niapa'ingkata, naal᷊ihidda timbulla apan nitiuppu anginna ana see nawul᷊i. Naal᷊ihidda lilinna nonossa sulal᷊ummu putungnga, etearoddi taumata lal᷊eo nawul᷊i wuassu saruannu Ruata.

DARALO 47:1

Daralon ṛuanganni Korah. Su piaṛṛa'u mangangantari.

MAL᷊AṚṚUUNGNGA 5:31

Antimanna manga seen-Nu, oh Mawu, mate ere i Sisera, arawe anambon manga hawe-Nu mabbal᷊i wahewalla naal᷊ihidda matannallo su winalanganna! Wua'udde, wanua udde matammude appatu pul᷊o su tonnane al᷊annune.

2 TAWARIKH 6:41

Darisikkewe orassa indi, oh Mawu Ruata! Wuṛṛu suadio'a ringannu Wantallu Paaire apan mapal᷊iatta'u taṛṛino-Nu udde, ṛinone I'o sumutta su Wal᷊en-Nu indi wuṛṛu matana'a isindi saran mal᷊annu-l᷊annu. Al᷊amatewe anambon manara manga imam, wuṛṛu antimanna al᷊aṛanang-Ngu sarangkanambone lulluassa ana waugu I'o marangngu si mangitou.