DARALO 130:7 - WUKE SUSI WATTI'U AL᷊AL᷊USASSA

⁷ Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

DARALO 130:7 Referans Kwoze

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 131:3

Pangantimpe Mawu, ei al᷊aṛṛanang-Nge, orassa indi maddatingngu saran mal᷊annu-l᷊annu.

ROMA 8:24

Ana waugu ringannu mangngantimma, i ite sarun masal᷊amatta. Arawe amungkangngu apa apan aantimanni ite suete niasiloanni ite, ne udde wal᷊ine lai antimma. Ana waugu isai lai mangantimma apa apan buatte niasiloanne?

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

DARALO 71:5

Ana waugu ete I'o aantimangku, oh Mawu, Mawu, i ya'u mangimanna Si'o ro'en i ya'u ta'e dario'a.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

DARALO 131:1

Aantarin papatembon Daud. Mawu i ya'u tawe matanggakka, wuṛṛu tawe mawunga. I ya'u maddiri maddea'a manga inolaanna apan wahewalla ara'e tumaniten masahadda si ya'u.

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

LUKAS 14:22

Wua'udde mangangimbe udde nabbisara, ‘Tua, parentan Tuanga suete niapaamatta, arawe tampa ta'e manambo.’