DARALO 130:4 - WUKE SUSI WATTI'U AL᷊AL᷊USASSA

⁴ Arawe I'o sidutu maapulu mangampunga, tadea'u taumata mabbal᷊i ma'imanna.

DARALO 130:4 Referans Kwoze

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

KOLOSE 1:14

Wuassu Anang-Nge udde i ite suete nipallosa; atappasanne manga rosan kite suete niampunganna.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

AYUB 22:23

Pabbelengke su Mawu ringannu naungnga mawawo al᷊al᷊eo su wal᷊enu ṛinone insueannu.