DARALO 126:4 - WUKE SUSI WATTI'U AL᷊AL᷊USASSA

⁴ Oh Mawu, sul᷊eaawe apia lal᷊umanna'i yami, ere sal᷊ukka namara piate ua'ene apia sutempo nanguranna.

DARALO 126:4 Referans Kwoze

DARALO 85:4

I'o tate lai masa'u si mangitou; asasa'u-Nu apan wahewalla niapaweleng-Ngu apia.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

YESAYA 43:19

Panutukke, i Ya'u mallanginnu apa apan bakku; orassa indi mannantakke, i'o tawe maasilo? Ya'u sarun ma'ola'a lal᷊anna su wadda'u anne, wuṛṛu manga sal᷊ukka su wadda'a mal᷊alangnga.

YESAYA 41:18

I Ya'u na'ola'a manga sal᷊ukka mangngelekka su manga wuidda apan lunggukka; matan kua'e sarun umal᷊iwombonga su pattangngannu ammaranne. Wadda'a mal᷊alangnga sarun Ta'u olaanna rano; ua'e sarun ṛumawiassa wuassu leta'a apan mamara.

YESAYA 35:6

Taumata lome sussassolo'a ere rusa, taumata mou u'uin al᷊al᷊uassa. Ana waugu matan kua'e sussopate su wadda'u anne, sal᷊ukka mangngelekka su wadda'a mal᷊alangnga.

DARALO 126:1

Aantarin patatembo. Napawe Mawu nanul᷊en ola'u Yerusalem, i ite naal᷊ihidda nabbal᷊iawa!

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”