DARALO 126:2 - WUKE SUSI WATTI'U AL᷊AL᷊USASSA

² I ite sidutu lullage wuṛṛu mangngantari lullala'a na'oman sara manga walahanna waine mabbisara, “Mawu buatte na'ola'a inolaanna apan wahewalla si mangitou!”

DARALO 126:2 Referans Kwoze

AYUB 8:21

Moṛṛongngu sarun olaan-Ne lullage, biwikku sarun maggion al᷊al᷊uassa.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

DARALO 71:19

Oh Ruata, atatul᷊iddu nappatakku langitta; tumaniten wahewalla manga inolaan-Nu; isai wotongnge maasul᷊ungnga Si'o?

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

DARALO 53:6

Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

NEHEMIA 6:16

Sutempo manga seetti yami suwallattu manga walahanna maranine isudde naaringikka olangnge udde, i mangitou matta'utta awul᷊iannu hati, ana waugu anambon taumata masingkatta manungku manara udde niola'a ringannu tul᷊ungannu Ruata.

ROMA 11:15

Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

DARALO 51:14

Olaawe i ya'u mal᷊uassa apia ana waugu asasal᷊amatta wuas-Si'o, i ya'u onggol᷊ewen naungnga apan sidutu matuṛutta Si'o.

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

REENGANNA 23:23

Tawe daroa apan maaṛṛino si Yakub tawe papasi'atta apan maal᷊ore su Israel. Su ola'u walahanna udde taumata sarun mabbisara, ‘Pa'ellega al᷊aṛṛindu'a apan niola'u Ruata!’

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YEREMIA 31:7

Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

YEHEZKIEL 36:36

Ne manga walahanna al᷊indonganne apan ta'e isudde sarun maasingkatta manungku i Ya'u, Mawu, buatte napararisikku apia manga soa apan naṛṛimunsa'e, wuṛṛu nammanara apia manga wawail᷊anna apan nal᷊ol᷊okke. I Ya'u, Mawu, buatte nabbisara wuṛṛu atonna sarun ma'ola'a udde.”