DARALO 125:3 - WUKE SUSI WATTI'U AL᷊AL᷊USASSA

³ Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

DARALO 125:3 Referans Kwoze

AMSAL 22:8

Taumata apan mangngasi'u linga sarun mangitingnga papate; panginsueanne taṛṛinone apan ipappaatta walate apulune sarun mawul᷊i.

DARALO 89:22

Atatoha-U sidutu ual᷊u'adda si tou, taṛṛino-U mannohassa si tou.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

1 SAMUEL 24:10

I Saul nanaile liudde, ne i Daud niumal᷊intudda ringannu addatta ana see nabbisara, “Anio i Tuangnga maddaringikka watti'u taumata apan namasingkatta manungku allangngu manilaka si Tuangnga?

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

DARALO 103:9

I Tou tawe sidutu mandona, wuṛṛu tawe masa'u sarangkal᷊o'engnge.

DARALO 103:14

Ana waugu Mawu masingkatta i ite niola'a wuassuapa, i Tou maanaungnga i ite indi tumba'u awu.

DARALO 55:20

Ruata mammarenta wuassu panattaṛṛanne sarun maddaringikka si ya'u wuṛṛu namaddon mangitou. Ana waugu i mangitou maddiri mawal᷊u, wuṛṛu tawe mata'uttu Ruata.