DARALO 122:6 - WUKE SUSI WATTI'U AL᷊AL᷊USASSA

⁶ Aal᷊iomante su apapian Yerusalem: “Antimanna anambon taumata marangngu si'o su lal᷊umanna'a.

DARALO 122:6 Referans Kwoze

DARALO 51:18

I'o maddirin sasamba laṛṛatanna; unnu wisara i ya'u nangonggolu sasamba itattambuna, ne I'o maddiri.

YEREMIA 29:7

Pammanarate hunan lal᷊umanna'u manga soa su tampa i yamiu Ta'u niwuanga. Aal᷊iomante si Ya'u su hausannu manga soa udde, ana waugu amungkangngu manga soa udde su lal᷊ummanna'a, i yamiu lai su lal᷊umanna'a.

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

YEREMIA 51:50

Mawu nabbisara su taumatan Israel apan uatana'a su Babel, “I yamiu nal᷊iute wuassu pamamate! Nariaddi, roote orassa indi lai! Arie paṛṛaddo! Salaiwe i yamiu marau wuassu wal᷊en, pannaungke si Ya'u, Mawunu, wuṛṛu su Yerusalem.

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

EFESUS 4:3

Pammanarate paaṛṛimadda su ipabbiakka su paddarame tadea'u paa'aukka apan niola'u Ghaṛṛahon Duata udde mangke pappadul᷊iananna.

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

NEHEMIA 11:1

Manga piaṛṛa'a namanuate su Yerusalem wuṛṛu tumana'a nandammen undi ipamile sambau amonanna wuassu suapan mapul᷊o amonanna apan ṛinone matana'a su soa susi Yerusalem. Apan tawe niapile wotongnge matana'a su manga soa waine.

NEHEMIA 11:2

Suwallatti mangitou piaddu mappulu matana'a su Yerusalem wuṛṛu i mangitou raddaloannu tumana'a.

ESTER 4:8

Mordekhai nangonggolla lai si Hatah surattu ratu nial᷊inna apan buatte niapasabbangnga su Susan apan lal᷊oṛṛone parenta iapapate taumatan Yahudi. I tou nandolokki Hatah mangonggollu suratta udde si Ester wuṛṛu manal᷊a'an hatto udde si tou, wuṛṛu lai maddorongnga tadea'u Ester sumaruanna ratu sumal᷊ande aakkanna hunan balahanne.

YESAYA 62:7

I mangitou tawe wotongnge mamal᷊an Tou mal᷊annabba tantal᷊anna i Tou taambe namangunna apia Yerusalem, wuṛṛu olaanne tumelengnga su ahewallu runia.

YESAYA 66:10

Lallala'e suadio'a ringannu Yerusalem, ei anambon taumata apan marangngu. I yamiu apan lullal᷊o ana waugu i tou, orassa indi wotongngete lumuassa.