DARALO 120:4 - WUKE SUSI WATTI'U AL᷊AL᷊USASSA

⁴ Ringannu anaanna maṛṛoro pussa'an sangkatou awaṛanianne, ringannu waṛṛa apan lukkenggamma!

DARALO 120:4 Referans Kwoze

AMSAL 19:9

Taumata apan mangngawusu su pallaṛṛuunganna sarun iṛṛuumanna wuṛṛu pateanna.

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

AMSAL 16:27

Taumata lal᷊eo maddea'a manilaka sansul᷊ungnge; manga wisarane lal᷊eo naal᷊ihidda waṛṛan putungnga.

DARALO 45:5

Amata'e, ringannu awawaṛṛani mattuddan auntunganna manahekku apapia wuṛṛu atatul᷊idda apan masaṛṛionto'a; ringannu atatohannu aṛṛote auntunganna apan wahewalla!

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

AMSAL 12:22

Mawu maddantinnu taumata awusu; arawe i Tou mal᷊uassa su taumata apan matul᷊idda.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 11:12

Mangngal᷊uandaga taumata waine, uddewe inolaanna apan longonna; taumata apan pia budine, sarun tawe mapasabbangnga wisara sangkapaddi.

AMSAL 11:9

Paggahahatton taumata lal᷊eo maapate; apanden taumata mapia maasal᷊amatta.

DARALO 59:7

Sutempo wawallo i mangitou nabbelenga, tuttawanna naal᷊ihidda asu lapiddu mammal᷊iwutta soa.

DARALO 57:4

Wuassu surga i Tou sinumimbakka wuṛṛu nanal᷊amatta si ya'u; i Tou namaddon manga taumata apan mangngallanga si ya'u. I Tou sarun mapal᷊iatta'a manungku i Tou ual᷊ua'adda si ya'u, wuṛṛu sidutu marangngu si ya'u.

DARALO 52:5

I'o lembon marangngu al᷊al᷊eo wuassu apapia, mallutuanna mammahia wuassu mabbisara atonna.

DARALO 7:13

Amungkangu pallal᷊aghun mangitou tawe mawal᷊u, I Tou uasaddiate ringannu ahidda apan maapate. I Tou nangagassa hal᷊el᷊e-Ne wuṛṛu nangannata al᷊ati'an-Ne, ana see namiti'u manga anaan-Ne apan pia putungnge.

AMSAL 18:8

Aal᷊uandaga udde matemangnga pendamanna; taumata apulune mangalluppa.

YEREMIA 9:7

Ana waugu udde Mawu Apan Lembontaṛṛino nabbisara, “Ere logamma, uma-U sarun Ta'u sal᷊u'atanna tadea'u i mangitou maola'a tutune. Apa apan wotongnge Ta'u olaanna su saruannu uma-U apan buatte na'ola'a al᷊al᷊eo?