DARALO 12:6 - WUKE SUSI WATTI'U AL᷊AL᷊USASSA

⁶ Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 12:6 Referans Kwoze

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 18:30

I'o nanohassa si ya'u ipaṛṛadda'a seetta; ringannu sasumbalan Ruata'u i ya'u nanggohakku pattillumanni mangitou.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.

DARALO 119:140

Paaire-Nu matohassa wuṛṛu apangimananna, i ya'u tumaniten marangngu.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 6:1

Ruata nabbisara si Musa, wisarane, “Ete i Ya'u Mawu.

AYUB 20:19

Ana waugu i tou mangngallangnga wuṛṛu tawe mappadul᷊i taumata apan tawe dapane; i tou nangaṛṛo manga wal᷊en apan tawe niaparisikke.

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.

DARALO 9:13

Ana waugu i Tou uanaungnga taumata apan uatatarangnga wuṛṛu tawe maabul᷊in sasal᷊iomanni mangitou; taumata apan lullawangnga sarun iṛṛuuman-Ne.

DARALO 76:10

Napawe I'o dirumarisikka mamarikissa tadea'u manal᷊amatta taumata apan niallangnga su runia.

AMSAL 22:23

Ana waugu, Mawu sarun manamba'a hatton mangitou wuṛṛu manawutta niawan taumata apan mangngallanga si mangitou.

YESAYA 14:22

Mawu Apan Lembontaṛṛino nabbisara, “I Ya'u sarun mamangalo Babel wuṛṛu mapaawul᷊ine. Tawe saran sangkatou apan Ta'u iapaasal᷊amatta, ewe'e lai al᷊aṛṛana'a tawe Ta'u iwala wiakka. Ya'u, Mawu, buatte nabbisara.

YESAYA 33:10

Mawu nabbisara su walahanna udde, “Orassa indi Ya'u sarun dumarisikka wuṛṛu mammanarate mapal᷊iatta'u taṛṛino-U.