DARALO 12:2 - WUKE SUSI WATTI'U AL᷊AL᷊USASSA

² Ontol᷊ewe i yami, oh Mawu, ana waugu tate lai taumata mapia, taumata apan matuṛutta Si'o nawul᷊ite.

DARALO 12:2 Referans Kwoze

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.

DARALO 41:6

See'u ma'umbilangu al᷊al᷊eo'u, i mangitou mappandumma tadea'u i ya'u mate wuṛṛu timbul᷊iananna.

DARALO 144:8

apan apulune mammahia wuṛṛu mallinga, wuṛṛu massalu awusu.

DARALO 10:7

I tou sidutu mammontoga, mammansaga wuṛṛu mammahia, manga wisarane napenen ararantinna wuṛṛu al᷊al᷊eo.

DARALO 5:9

Oh Mawu, tumaniten manambo see'u! Ehettawe i ya'u tumuṛṛutta apulu-Nu, wuṛṛu patingiraawe lal᷊an-Nu apan sarun ta'u amatanna.

DARALO 28:3

Arie pamate si ya'u suadio'a ringannu taumata mal᷊awangnga, suadio'a ringannu taumata apan ma'ola'a al᷊al᷊eo. I mangitou uahahatto ringannu masaṛṛionto'a, arawe naungngi mangitou napenen awawukku'a.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

YEHEZKIEL 12:24

Su Israel tate lai sondappa ara'e aellega palassu,

AMSAL 29:5

Isai maddalo sansul᷊ungnge taumata, mantaingngu sedda su watanganne sassane.

AMSAL 20:19

Taumata apan mal᷊uassa ma'umbilangngu taumata waine, tawe mapangaddapingnga; imbaṛṛangnga maggawen taumata apan matal᷊imoṛṛonganna.

DARALO 144:11

Liua'awe i ya'u wuassu hal᷊elen taumata maṛṛagissa; sal᷊amatewe i ya'u wuassu taṛṛinon taumata raho apan apulune mammahia wuṛṛu mallinga, wuṛṛu massalu awusu.

DARALO 62:4

Sara tingngera i yamiu sarangkanambone maapulu mamangalo sangkatou taumata apan erete darandunga uasoṛṛa wuṛṛu pale apan maraniten maṛṛa'a?

DARALO 55:21

Hawe'u tabbe namangalo manga ringanne, i tou namal᷊u paairene.

DARALO 59:12

Ariewe mamate si mangitou, oh Mawu, tadea'u walahangku tawe maabul᷊i. Sal᷊iawuṛṛa'e wuṛṛu waddoa'e i mangitou ringannu taṛṛino-Nu, oh Mawu mallal᷊u'addi yami.

DARALO 38:12

Manga hawe'u mallinda'a ana waugu radda'u, ewe'e manga tuṛṛangku mangngindauute lai.

DARALO 116:11

Sulal᷊ummu al᷊ingu'u i ya'u nabbisara, “Tawe saran sangkatou apan wotongnge pangimananna.”

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.