DARALO 119:91 - WUKE SUSI WATTI'U AL᷊AL᷊USASSA

⁹¹ Sarangkamabone apan pia orassa indi, pia ana waugu parenta-Nu, ana waugu i mangitou sarangkamabone uddewe manga allang-Ngu.

DARALO 119:91 Referans Kwoze

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

MATIUS 8:9

Ana waugu i ya'u lai ṛinone massuṛṛubawa su tembonangku. Wuṛṛu mabbawoanna wuassia'u pia lai manga tantara apan sarun massuṛṛubawa su parenta'u. Amungkangngu i ya'u mandolokku sangkatou tantara, ‘Inaite!’ i tou sarun inai. I ya'u mabbisara su tantara waine lai, ‘Wette isindi!’ i tou sarun dumanta; wuṛṛu amungkangngu i ya'u mamarenta allangku, ‘Ola'e indi!’ i tou sarun tumuṛṛutta.”

YEREMIA 33:25

Arawe su ereapa i Ya'u, Mawu, buatte namattan sambau pa'aire ringannu allo wuṛṛu ṛabbi, wuṛṛu na'ola'a tita apan mangngatokku langitta wuṛṛu runia,

PANDARIADDI 8:22

Tantal᷊anna ta'e pia dunia indi, sidutu pia tempo mangasi'a wuṛṛu tempo mangitingnga, tempo masunge wuṛṛu tempon padissa, tempo mamara wuṛṛu tempo manguranna, allo wuṛṛu ṛabbi.”

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

MAL᷊AṚṚUUNGNGA 5:20

Manga anumpitanna lai mattinsahadda mando'appa si Sisera, wuassu tampa a'amatanni mangitou su winalanganna.

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!