DARALO 119:73 - WUKE SUSI WATTI'U AL᷊AL᷊USASSA

⁷³ Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

DARALO 119:73 Referans Kwoze

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

AYUB 31:15

Wal᷊inewe Ruata apan nandiaddi si ya'u, nandiaddi lai manga allangku udde?

2 TIMOTIUS 2:7

Ṛingira'a wisara'u udde, ana waugu Mawu sarun mangonggolu ṛingidda si'o ipassunna sarangkanambone udde.

DARALO 119:125

I ya'u allang-Ngu, olaawe i ya'u maasunna, tadea'u i ya'u maasunna parenta-Nu.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

AYUB 32:8

Arawe apan nangonggollu asingkatta su taumata, tumba'u Ghaṛṛahon Duata Apan Lembontaṛṛino.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

YAKOBUS 3:18

Atonna apapia udde wuan bualannu padarame apan niasi'u taumata apan maapulun padarame!

DARALO 119:169

Antimanna sasal᷊ande'u ma'oma ringan-Nu, oh Mawu, i ya'u onggol᷊eten pasasunna ere buatte nipa'ire-Nu.

2 TAWARIKH 2:12

Dalo su Mawu Ruatan Israel, Nandiaddi langitta wuṛṛu runia! I tou nangonggolla si Daud sangkatou ana'a esakka apan lembon pia asingkatta wuṛṛu pande, apan orassa indi tantal᷊anna mattinsahadda mapararisikku Wal᷊en Mawu, wuṛṛu wal᷊en araratuanne.

DARALO 119:144

Parenta-Nu sidutu matul᷊idda; i ya'u onggol᷊eten pasasunna tadea'u i ya'u sidutu wiakka.

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.