DARALO 119:66 - WUKE SUSI WATTI'U AL᷊AL᷊USASSA

⁶⁶ I ya'u aonggol᷊ewen apande wuṛṛu asingkatta, ana waugu mangngimanna su manga parenta-Nu.

DARALO 119:66 Referans Kwoze

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

DARALO 119:172

I ya'u maapulu mangantari su ola'u paaire-Nu, ana waugu al᷊awo'u parenta-Nu matul᷊idda.

DARALO 119:160

Anambon ṛengetannu naṛṛino, al᷊awo'u tita-Nu matul᷊idda saran mal᷊annu-l᷊annu.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

MAL᷊AṚṚUUNGNGA 3:15

Arawe sutempo walahannu Israel sinumal᷊ande maiontolla su Mawu, I Tou nangonggoli Ehud tadea'u mapasabbangngi mangitou. I Ehud sangkatou taumata apan matohassa limane aiṛṛi; i tou ana'i Gera wuassu ruanganni Benyamin, wuṛṛu ete i tou lai apan masokka manguntudda si Ratu Eglon wose apan ṛinone waeṛannu walahannu Israel.