DARALO 119:55 - WUKE SUSI WATTI'U AL᷊AL᷊USASSA

⁵⁵ Sutempo ṛabbi i ya'u uanaungnga Si'o, oh Mawu, tita-Nu sidutu ta'e aagasanna.

DARALO 119:55 Referans Kwoze

DARALO 63:6

I ya'u maddalo Si'o ringannu lulluassa lullala'a, ana waugu I'o namatu'a niawa'u naal᷊ihidda ringannu anna matemangnga.

YESAYA 26:9

Ṛimuu'u luṛṛintulu-Nu sutempo ṛabbi, naungku mangngantimma Si'o sutempo marua allo. Napawe I'o makkuungngu runia indi, tumana'u runia sarun maasingkatta apan apan ṛinone.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

DARALO 139:18

Napawe ta'u ireengnga, mannamboanna wuassu anne; napawe i ya'u mapo'u, I'o lai ta'e ta'u iraṛingidda.

YOHANES 15:10

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:17

Antimanna naung-Ngu masaṛṛionto'a su allang-Ngu indi, tadea'u i ya'u sidutu wiakka wuṛṛu tuttuṛṛutta al᷊aṛṛanang-Ngu.

DARALO 77:6

I ya'u maṛṛingiddu manga allo nanangkal᷊iu, i ya'u mannaungnga wuṛṛu maṛṛingiddu manga tonna nal᷊iudde.

DARALO 119:44

I ya'u maapulu sidutu uaagassa tita-Nu, saran mal᷊annu-l᷊annu.