DARALO 119:50 - WUKE SUSI WATTI'U AL᷊AL᷊USASSA

⁵⁰ Eteindi apan maal᷊imbatta si ya'u sulal᷊ummu asasusa'u manungku paaire-Nu udde mangngonggolu wiakka si ya'u.

DARALO 119:50 Referans Kwoze

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

DARALO 94:19

Napawe naungku matta'utta wuṛṛu sussinggawanga, I'o nallimbatta si ya'u wuṛṛu nalluassa si ya'u.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

DARALO 27:13

I ya'u mangimanna manungku sarun mamendamma apapian Mawu sulal᷊ummu wia'u su runia indi.

DARALO 119:25

I ya'u ual᷊allowanga sulal᷊ummu awu; welengaawe wia'u tumuṛṛuttu paaire-Nu.

YEHEZKIEL 37:10

Ne i ya'u nabbisara uasul᷊ungngu parenta Mawu ne anginna lai nattiuppen sasangngo sulal᷊ummu manga waddangnga udde ana see i mangitou nabbiakka wuṛṛu dirumarisikka. Reenganni mangitou tumaniten manambo, wotongnge ipallanginnu sambau ammul᷊annu tantara apan bahewalla.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

DARALO 119:38

Tohassawe su allang-Ngu indi paaire-Nu, apan nionggolu Mawu su taumata apan tuttuṛutta Si'o.

DARALO 119:41

Oh Mawu, pal᷊iatta'awe I'o aroddi arangngune si ya'u, sal᷊amatewe i ya'u ere buatte nipa'ire-Nu.

DARALO 119:92

Unnuwisara tita-Nu wal᷊ine punnu lal᷊ala'u, i ya'u natete sulal᷊ummu asasusa'u.

DARALO 138:7

Sutempo i ya'u niaṛṛiaannu asasusa, I'o mangke napawia'u. I'o nando'appa see'u apan tantal᷊anna mammangalo wuṛṛu nanal᷊amatta si Ya'u ringannu taṛṛino-Nu.