DARALO 119:36 - WUKE SUSI WATTI'U AL᷊AL᷊USASSA

³⁶ Onggol᷊ewe i ya'u apulu tumuṛṛutta parenta-Nu, nilumambalanna wuassu apulu mabbal᷊i ala.

DARALO 119:36 Referans Kwoze

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

1 MARARATU 8:58

Antimanna i Tou ma'ola'a si ite manga taumata apan maaddunna si Tou tadea'u i ite sidutu wiakka tumuṛṛuttu apulu-Ne wuṛṛu matuṛṛutta su anambon tita wuṛṛu parenta apan buatte nionggolli Tou su al᷊amonan kite.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

DARALO 141:4

Paarauaawe i ya'u wuassu apulu ma'ola'a al᷊al᷊eo. Arie pabbala'a i ya'u maammulu taumata lal᷊eo wuṛṛu umanna suadio'a sulal᷊ummu andeangngi mangitou.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

HABAKUK 2:9

Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.