DARALO 119:34 - WUKE SUSI WATTI'U AL᷊AL᷊USASSA

³⁴ Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:34 Referans Kwoze

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

DARALO 119:69

Taumata mawunga mallobbosa si ya'u, arawe i ya'u ringannu ahewallu naungnga tuttuṛṛutta parenta-Nu.

DARALO 119:58

Ringannu ahewallu naungnga i ya'u sumal᷊ande darangngu-Nu, akkanaawe i ya'u uasul᷊ungngu paaire-Nu.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

MATIUS 5:19

Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

DARALO 39:2

Ṛingi'u, “I ya'u maapulu mallu'adda waddangnga tadea'u tawe marosa ringannu lila'u. I ya'u maddiri mabbisara tantal᷊anna taumata lal᷊eo ta'e marani.”

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 119:66

I ya'u aonggol᷊ewen apande wuṛṛu asingkatta, ana waugu mangngimanna su manga parenta-Nu.

DARALO 119:100

I ya'u massingkatanna wuassu matatimmade, ana waugu i ya'u uaumbele manga parenta-Nu.

DARALO 119:104

Manga tita-Nu nangonggolu pasasunna si ya'u, na'oman sara i ya'u maddantinnu pallal᷊aghu lal᷊eo.

DARALO 119:125

I ya'u allang-Ngu, olaawe i ya'u maasunna, tadea'u i ya'u maasunna parenta-Nu.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

DARALO 119:144

Parenta-Nu sidutu matul᷊idda; i ya'u onggol᷊eten pasasunna tadea'u i ya'u sidutu wiakka.

DARALO 119:169

Antimanna sasal᷊ande'u ma'oma ringan-Nu, oh Mawu, i ya'u onggol᷊eten pasasunna ere buatte nipa'ire-Nu.