DARALO 119:28 - WUKE SUSI WATTI'U AL᷊AL᷊USASSA

²⁸ Niawa'u naṛimunsa'a niaṛiaannu asasusa, tohassawe i ya'u ere lai buatte nipa'ire-Nu.

DARALO 119:28 Referans Kwoze

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

YESAYA 40:29

I tou mannohassa taumata apan nal᷊otakka, mangngonggollu sasasa su taumata apan tawe maal᷊iore.

DARALO 107:26

Manga apalla nawengketta watukku winalanganna, ana see niema'a su wantan laudda. Manga taumata niawul᷊iannu awawaṛani sumaruanna asasilaka ahewalle udde.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

YOSUA 2:24

Wua'udde i mangitou nabbisara, “Atonna Mawu nangonggolu ahewallu wanua udde si ite; manga taumata poiaroddi matta'utti ite.”

YOSUA 2:11

Aroddi yamiu naaringkka manga watti'a udde, yami mangke nata'utta. Anambon taumatan kami nawul᷊i awawaṛṛanine ana waugu i yamiu. Mawu Ruatanu atonna Mawu Ruata Apan Lembon Taṛṛino su langitta wuṛṛu su runia.

DARALO 20:2

Antimanna Mawu sumimbakka si'o, sutempon asasusa, antimanna taṛṛinon Duatan Yakub ual᷊u'adda si'o!

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”