DARALO 119:2 - WUKE SUSI WATTI'U AL᷊AL᷊USASSA

² Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 119:2 Referans Kwoze

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

DARALO 25:10

Taumata apan matuṛṛutta paaire-Ne wuṛṛu tita-Ne, papadul᷊ianan-Ne ringannu darangngu wuṛṛu tatuṛṛutta.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

TAHIUL᷊E 6:17

Paatuṛṛutta anambon tita apan nionggolu Mawu Ruatanu si yamiu.

2 TAWARIKH 31:21

I tou mammanara pia gessine, ana waugu al᷊awo'u inolaanne su Wal᷊en Mawu ara'e tatuṛṛutta su manga titan Mawu, niapaamanne ringannu ahewallu naungnga wuṛṛu ringannu darangngu su Mawu Ruatane.

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

1 YOHANES 3:20

I ite masingkata, manungku amungkangu i ite iapaasal᷊an naungngi ite, asingkatu Ruata maggewal᷊anne wuassu asingkattu naungngi ite, wuṛṛu i Tou masingkatu sarangkanambone.

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

DARALO 119:22

Liuaawe i ya'u wuassu lal᷊obbossa wuṛṛu aal᷊uandagi mangitou, ana waugu tuttuṛṛutta tita-Nu.

DARALO 119:146

I ya'u sussal᷊ande Si'o; sal᷊amatewe i ya'u, i ya'u maapulu uaagassa parenta-Nu.

1 TAWARIKH 22:19

Nariaddi, yamiu ṛinone mattaṛṛamawu Mawu Ruatanu ringannu ahewallu naungngu. Tattaṛṛa'e mapararisikku Wal᷊en Mawu, tadea'u Wantallu Pa'aire wuṛṛu anambon saranapa waine apan ipaatta mattaṛṛamawu wotongnge sahipunanna isudde.”

DARALO 119:17

Antimanna naung-Ngu masaṛṛionto'a su allang-Ngu indi, tadea'u i ya'u sidutu wiakka wuṛṛu tuttuṛṛutta al᷊aṛṛanang-Ngu.

DARALO 119:33

Mawu, tantiroewe i ya'u manga tita-Nu, tadea'u i ya'u mappaamatta saran pangudusanne.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:57

Tumba'u I'o apan ipaapulu'u, oh Mawu, i ya'u maddiandi sarun mappaamattu al᷊aṛṛang-Ngu.

DARALO 119:69

Taumata mawunga mallobbosa si ya'u, arawe i ya'u ringannu ahewallu naungnga tuttuṛṛutta parenta-Nu.

DARALO 119:88

Sal᷊amatewe i ya'u ana waugu I'o sidutu marangngu, tadea'u maatuṛṛutta tita-Nu.

DARALO 119:101

I ya'u nallinda'u manga pallal᷊aghu lal᷊eo, tadea'u i ya'u matuṛṛutta su manga al᷊aṛṛang-Ngu.

DARALO 119:115

Ei taumata lal᷊eo, paaraute wua dingangku! I ya'u tuttuṛṛutta parentan Duata'u.