DARALO 119:176 - WUKE SUSI WATTI'U AL᷊AL᷊USASSA

¹⁷⁶ I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

DARALO 119:176 Referans Kwoze

LUKAS 19:10

Ana'u Taumata nirumanta maddea'a wuṛṛu manal᷊amatta taumata apan nial᷊iwune.”

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

ANTARI MAWANTUGA 1:4

Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

DARALO 119:93

Sarangkal᷊o'enge i ya'u tawe mapanantangu parenta-Nu, ana waugu ringannu udde I'o namiakka si ya'u.

DARALO 119:61

Taumata lal᷊eo nantaingngu sedda si ya'u, arawe i ya'u tawe maabul᷊in tita-Nu.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

MATIUS 10:6

Arawe roote su wallattu taumatan Israel, nangillembo si mangitou apan nial᷊iwune.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEREMIA 31:18

I ya'u naaringikka umattu Israel mabbisara napenen asasusa, ‘Oh Mawu, i yami naal᷊ihidda winatangnga apan taambe niaṛṛaro arawe ninaram-Mu i yamiu ringannu matuṛṛutta wuṛṛu orassa indi i yami nasaddiate mabbelengnga ringan-Nu. Nariaddi, apira'e i yami mapul᷊e, oh Mawu, Ruatang kami.

DARALO 119:16

Parenta-Nu maal᷊uassa si ya'u; al᷊aṛṛang-Ngu tawe abbul᷊ianangku.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.