DARALO 119:172 - WUKE SUSI WATTI'U AL᷊AL᷊USASSA

¹⁷² I ya'u maapulu mangantari su ola'u paaire-Nu, ana waugu al᷊awo'u parenta-Nu matul᷊idda.

DARALO 119:172 Referans Kwoze

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

ROMA 7:12

Titan agama udde wuassu Ruata, wuṛṛu al᷊awo'u parenta sulal᷊ummu tita udde nirumanta wuassu Ruata, aroddi atul᷊ide wuṛṛu apiane.

DARALO 37:30

Taumata mapia mabbisara ringannu apande, i tou sidutu matul᷊idda sulal᷊ummu wisarane.

DARALO 119:142

Atatul᷊iddu Mawu mattaṛṛangnga sarangkal᷊o'engnge, wuṛṛu tita-Nu sidutu naṛṛino.

DARALO 119:138

Manga parenta apan nionggollu Mawu matul᷊idda wuṛṛu wotongnge ipangasakka.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

DARALO 119:86

Anambon tita-Nu wotongnge ipangasakka, ontol᷊ewe i ya'u, ana waugu i ya'u a'enggenanna taweddu pangiananne.

DARALO 119:13

Ringannu ma'ikkata i ya'u u'al᷊iata anambon tita apan nionggolu Mawu.

DARALO 119:46

Titanu sarun ta'u iapasingkatta su manga ratu, wuṛṛu sarun tawe maasomba asasili.

DARALO 78:4

I yami maddiri mangaddapingu watti'a udde su manga ana'i yami; i yami mappulu mamasingkatta su pallal᷊awanna manansunna su ola'u taṛṛinon Mawu wuṛṛu manga manara-Ne apan wahewalla, see lai manga inolaan-Ne apan maatiangnga.

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.