DARALO 119:154 - WUKE SUSI WATTI'U AL᷊AL᷊USASSA

¹⁵⁴ Sambaaite hatto'u wuṛṛu pallosa'e i ya'u; sal᷊amatewe i ya'u ere buatte nipa'ire-Nu.

DARALO 119:154 Referans Kwoze

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

DARALO 35:1

Daralon Daud. Mawu, ro'apete taumata apan lullawangnga si ya'u, pangaloite taumata apan mammangalo si ya'u.

1 SAMUEL 24:15

Pa'ellege allangngu indi apan sarun pateannu ratun Israel! Pa'ellege allangngu indi apan sidutu a'enggenanne! Allangngu tumba'u sambau asu apan nate, tumba'u ere utu.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

DARALO 119:40

I ya'u onggol᷊ewen wiakka wakku, ana waugu I'o matul᷊idda, i ya'u pia apulu tumuṛutta manga parenta-Nu.

DARALO 119:25

I ya'u ual᷊allowanga sulal᷊ummu awu; welengaawe wia'u tumuṛṛuttu paaire-Nu.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

AMSAL 22:23

Ana waugu, Mawu sarun manamba'a hatton mangitou wuṛṛu manawutta niawan taumata apan mangngallanga si mangitou.

DARALO 43:1

Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

AYUB 5:8

Amungkangngu i ya'u erete i'o udde su Ruata i ya'u sumal᷊ande. Ete si Tou i ya'u sarun mangalae, lapiddu manantillu hatto'u.

1 SAMUEL 24:16

Mawu sarun maola'a mallaṛṛuungnga suwallatti Tuangnga wuṛṛu allangngu. Antimanna i Tou mamarikissa hatto indi, wuṛṛu manamba'a allangngu see lai manal᷊amatta allangngu wuassi Tuangnga.”

DARALO 35:23

Darisikke panamba'a hatto'u, oh Ruata'u wuṛṛu Mawu'u, ontol᷊ewe i ya'u!

DARALO 119:38

Tohassawe su allang-Ngu indi paaire-Nu, apan nionggolu Mawu su taumata apan tuttuṛutta Si'o.