DARALO 119:111 - WUKE SUSI WATTI'U AL᷊AL᷊USASSA

¹¹¹ Parenta-Ne uddewe pussa'a-U sarangkal᷊o'engnge, apan naal᷊uassa naungku.

DARALO 119:111 Referans Kwoze

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

DARALO 119:174

Naungku luṛṛintulun al᷊amatta wuas-Si'o, tita-Nu maal᷊uassa naungku.

DARALO 119:92

Unnuwisara tita-Nu wal᷊ine punnu lal᷊ala'u, i ya'u natete sulal᷊ummu asasusa'u.

DARALO 16:5

Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

DARALO 119:127

Manga tita-Nu arangnguangku nangillembo wuassu wul᷊awanna, nangillembo wuassu wul᷊awanna tutune.

DARALO 119:74

Taumata ma'imanna sarun mal᷊uassa napawe maasilo si ya'u, ana waugu i ya'u uaantimma su paaire-Nu.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

TAHIUL᷊E 33:4

Tita apan nionggoli Musa i ite paatuṛṛuta, pussa'a apan maarega su walahanna indi.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

DARALO 119:14

I ya'u lullala'a tuttuṛutta manga parenta-Nu, ere lai uatahuanna al᷊awo'u hatin darotongnga.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

DARALO 119:162

Paaire-Nu naal᷊uassa si ya'u, ere sangkatou taumata apan naasangkalla darotongnga.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

DARALO 19:9

Atorannu Mawu udde naṛṛino, maal᷊uassa naungnga. Laṛṛewessu Mawu udde tutune, ma'ola'a taumata maasunna.